Muisca sane

Muisca ~ Patectolafe sane ke Kolombia

Muisca mikrasane tir amerindiafa sanelia irubasa koe Boyacá winka isu Cundinamarca isu Santander iste Kolombia, koe Andes gola.

Muisca sane tyir nelkafe sane tigise idjon ice refa Kolombia is moe azekexa, dem uldinenon tol-celemoy olkik abdi espanafa olgalicura. Va gijarotif is kulaf seltay al voneyer, tazukon gu Muisca abdigalda. Avakap ke bat katcalaf seltay tiyid Tunja is Guatavita is Chía is Funza is Bacatá ( refa Bogotá ) is Tequendama.

Mon san-celemoy ref kolombiik tid zaavabelckanik vey Muisca abdigadik.

Zavzasa ota ke Muisca sane vas 11 265 mikrasaneik bak 2018 zo otulayar.

Muisca sane tir vuwafe gu vegungafe Motilón-Barí mikrasane isu Kogui isu Arhuaco isu Quimbaya isu Chitarero.